أرامكو تعلن وظائف شاغرة في مصفاة لوبرف بجدة و ينبع

عاطل بلا حدود

شباب ليش كل واحد ينشف حلقة عندك واسطة تمشي ماعندك مكانك سر .. ليت ايام الدراسة تعلمنا كيف نجيب الواسطات مو كيف نتعلم

بو اسيل

السلام عليكم الصراحه مدري وش اقول وش اخلي الواحد خلقه ضاق من هالدنيا وش نسوي ننتحر يعني ولا نشحذ في الشوارع

سطام بن سلمان

السلام عليكم ورحمة الله نظراً لشده لهجه التعليقات وضعف الأمل لديكم اللي يقول الواسطه مافي شي اسمه واسطه صدقني هذا سبب فقط انا سبق ان رفعت بواسطه لاتقهر ولكن فشلت لان نسيت ان اطلب من الله سبحانه الرزق لانه ملك الملك يقول صلى الله عليه وسلم "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , فااسالو الله سبحانه في اخر الليـل واكثرو من الأستغفار ولا تنظر لكونك حاصل على شهاده عالي تريد ان تكون في الاعلى من اول الطريق فهذا دليل على فشلك في حياتك فاابدا من اول المشوار بخطوه وارسم نجاحك بتميزك واجتهاد واتقن عملك (إن الله يحب إذا عمل أحدكم عملا أن يتقنه) فاالعلم ليس من اجل الوظيفه انما العلم من اجلك واجل من تعلم علي يدك فايااخوان لاتفشلو ان لم يتوفر لكم فرص وظيفيه بادرو بالمشاريع التي تتناسب مع تخصصك او كون فريق واسس مع فريقك مشروع شركه كل واحد بتخصصه فابنك التسليف يدعم الى 4 مليون ريال المهندس الكهربائي والمكنيكي واللحام والنجار والسباك والبناء والمصمصم المعماري والديكورات والمالي والاستشاري ابحثو عنهم وكونو شركه صغيره وتعاقدو مع شركات متوسطه مبدئي تقوم بااعمالكم حتى يرتقي عملكم وانفردو بااعمالكم ملاحظه واذا لم تتوفر بمكان ان تذهب الى احد الشركات الكبرى وتطلب منهم ان تعمل لديهم بدون اجر او بااجر قليل وتكسب خبره وتثبت وجودك وتنفعك اسمى شركتهم في الشركات الاخرى وظيفياً حتى تكسب خبره منهم

الله يستر من عواقبها

انا خريج جامعه وتخصصي حاسب اقسم بالله مافيه واحد من هذا الجامعه وبتحديد المتخصص حاسب من يوم افتتاح الجامعه الى الان مافيه واحد معاه شهاده حاسب وتعين مدرس وليش جامعه ولا بس اسم وربي قهر خذا الشهاده وكبر لها البرواز

عاطل والوظايف أعلانها باطل

السلام عليكم .....انا من احد أخوانكم العاطلين الذي مابغى شئ ورحله......وألحين جاين منزلين أعلان ان فيه وظائف في آرامكو..القصد منه الاعلان نحن وظفنا... بالواو...وهذا الكلام حبر على ورق ...........وانا أقول الرازق في السماء والحاسد في الارض....وخبرات ألي بيقولوا عنها 5سنوات من وين تجي هالخبره ابغى اقول لأي شخص مسؤل لهذا المجال الانسان المجتهد في دراسته وخبراته ..يتخرج من الثانويه وعمره 18 .....ودورة خبره في اي مجال تطلب 5سنوات........طيب ليه ماتعلمونا انتم في هذه دورة على هذه الوظيفه وتوظفونا من شأن تضمنون خبراتنا في هذا المجال ولا شهادة من برا تجيكم....... ولا قلتوها 5 سنوات تعجيزيه

ابو محمد

أتكلوعلى الله سبحـــانـــه وتعال الله قال اسعى ياعبدي وانا معك مو نام والراتب يجيك والرزق تلاقيه

مواطن

الاخ المهندس علي مع احترامي لك الا انك عايش في احلام او انك من جيل قديم وتتكلم عن امور في الماضي كل الكلام اللي قلته غير صحيح وبعدين ليش ما ابغى اصير في القمه ليش تبون تكسرون طموحنا ليش واحنا من اغنى الدول في العالم مايكون عندي طموح اكون في القمه ليش الجندي في قطر راتبه اضعاف الجندي هنا ليش وانا اتعب وادرس واشقى واحيانا اتدين ما يكون عندي طموح ؟!! وبعدين كل وظيفه يقول يبي خبره طيب من وين اجيب الخبره؟؟؟؟!!!! وكل وظيفه تطلب خبره؟!! اجيب من البيت يعني ؟!! كلام فارغ

سلك

ههههههههههههه وانتم مصدقين اذا قالو خبرة هذا شرط تعجيزي والوضيفه قد تعين عليها واحد قبل اعلاانها الله يعين

المهندس علي

انا انصح زملائي بالعمل في اي قطاع لا تستهين بالعمل مهما صغر والا قل راتبة انصحكم يا شباب ترى الانسان ما يوصل الا بخطوات ماهو معقول تبي تصل القمة من الصفر كممباشر اعمل لا تجلس بالبيت اعمل بعقود وما اكثر وظائف العقود اعمل بالبشركات الصغيرة اعمل بالقطاع الحكومي والحمد للة متوفرة الوظائف الهندسية بشكل كبير عند الحكومة المهم لا تجلس بالبيت مهما كان السبب.......هذي نصيحة اخوية

استغفر الله اللذي لااله الاهو الحي القيوم واتوب اليه

الله يوفقكم ياشباب جميعاً وينزل رزقكم عاجلاً غير آجل وآنا وآحد منكم ومن كبار العاطلين في الوطن عليكم باالاكثار من الاستغفار والصلاه وطاعة الوالدين وبإذن الله تتيسر آموركم جميعاً

عبدالرحمن

والله ماكرهنا في هذه الحياة إلا الانجليزي ليش القهر هذا ؟ يعني غصب علي اتعلم لغة غيري ؟؟ سبحان الله

نفسيه يادوله

وش بقا يازمن العجايب وش بقى عاطل من 6 سنين لابرك الله فيكي دوله

waafi

انتووو سوو الي عليكم وانشاء الله يكتب الي فيه خير

خالد الشمراني

باروح ارعى غنم اصرفلي من وضائفكم اقلها مضموني ومن غير شروط وللي يبغى وضيفه يجيب معاه عصى هذا كل الي يحتاجه والربح مضمون

وائل محمدأحمدالصامطي

الله ولي التوفيق أذالي نصيب ربي يوفقني

عاطل

طيب الي معه ثنويه عامه

خريج عاطل ,, يكمل دراسات عليا,, ومستقبله عطاله

في الدول المتقدمه ,, يعني مو عندنا ,, فيه برامج تدريبيه صيفيه لطلاب الجامعات . يعني اذا بتدرس اربع سنوات يتطلع بخبره تقريبا سنه في تخصصك . وعندنا لما يتخرج الواحد تلقى الفرحه بتقطع شدوقه وطاير من الفرحه معاه شهاده جامعية . تجي تقدم على الوظايف يطالبك بخبره لا تقل عن 5 او 6 سنوات . يا ناس يا عالم يا هوو ارحموا من في الارض يرحمكم من في السماء من وين نجيب الخبره كل ما راح يقدم الواحد على وظيفه طردوه وقالوا له ما عندك خبره . يعني اذا ما وظفتونا من وين نجيب الخبره , ننام ونصحى ونحصل عندنا خبره على قولة المثل الانقليزي ( catch 22) . ما أقول الا حسبي الله ونعم الوكيل , يا مسئولين ترونا امانه في اعناقكم وبتنسئلون عنا يوم القيامه, التلاعب صار في كل مكان علني,الواسطات عذبت الضعاف الغلابه اللي ما لهم لا حول ولا قوة , طلاب جامعيين ينشاتون من ابواب الشركات , ويجيك واحد ما يعرف كوعه من بوعه ما عنده لا شهاده ولا خبره ولا هم يحزنون , ويتوظف بس عشانه ابن فلان والا اخوه المدير الفلاني , والا عمه الرتبه الفلانيه . إلى متى ... الى متى .. الى متى !! يقولون ليش العزوف عن الزواج زاد , ليش العنوسه زادت , ليش السرقات والجرايم زادت , وليش وليش وليش ,, اذا حليتو قضية العطاله , بتنتهي اغلب المصائب . بس ما اقول الا صبرا جميل وبالله المستعان

ياسر

حسبنا الله سيؤتينا الله من فضله إنا الى ربنا راغبون

راعي طلعات

لو يسوون استفتاء يومي أو اسبوعي على النت على الشركات والقطاع الحكومية والأهلية المتعاونة والغير متعاونة في توظيف السعوديين والسعوديات يصوت عليه المواطنين بشفافيه تامة عشان توضح الأمور ونعرف اللي متعاون والعكس وهذا من ضمن الأقتراحات أتمنى يوصل هذا الأقترام للمعنيين بذلك .

واحد مسكين

اما انا بس مابي ولا حاااجه من هاوظايف مرتااااح وارجوكم لاتحلفوون علي اخذها’’’’’

أبوسليمان

علمت أن رزقي لن يأخدة أحد غيري فطمأن قلبي الصبرثم الصبر ونشاء الله بتفرج.

بدر

ارجو من سعادتكم توظيفنا اي مجال ابي اكون مستقبلنا مافيه قبول ليه تعبنا واحنا تقدم ولا فيه شي

مافي امل

طيب عندي لغه ومهارات كمبيوتر بدون خبره في مجال الوظيفي ايفدوني من عنده الراي

ابو ابراهيم

السلام عليكم ياشباب اتمنى من الله العلي العظيم يرزقكم كلكم بافضل الوظائف نصيحتي لكل عاطل, قدم واشتغل في اي شي يجيك ولا تقعد في البيت بدون عمل لو تشتغل بياع في محل لاتستحي لكن اشتغل وصدقوني حتحسب لكم الخبره في يوم من الايام انا سارت معايا لما قدمت على وظيفة قدمو معايا كثير واخدوني لاني سبق اشتغلت في محلات ايام الصيف وكانت الافضليه لانهم قالو اني اقلها اعرف معنى الالتزام والدوام والحمد لله اشتغلت في سابك خمس سنوات ورجعت استقلت وكملت الهندسه واتخرجت ولما جيت اقدم بخبرة الخمس سنوات رفضوها لانها كانت في التشغيل مو الهندسه ولما قدمت على مهندس جديد قالو ماينفع لان عمري كبير مايسمح وسارت العروض اللي تجيني كلها بدل مهندس تكون مشغل لانهم يطمعو في خبرتي في تشغيل وحدات المصانع وصبرت الين الله فرجها واشتغلت في شركه اقل من سابك لكن مهندس ووالله راتبي كمهندس في دي الشركه اقل من راتبي كمشغل في سابك لكن انا عندي هدف اني اخد خبره وبعد كم سنه ارجع الشركة اللي ابغاها الارزاق بايد الرزاق لاتنسو الاستغفار وركعتين اخر الليل والله خزائنه ملآنه تتوقعي لو عز وجل رزق كل واحد منكم رتية وزير حينقص منها شي لا والله لكن اتوكلو ولا تيئسوا

واحد من العاطلين

الله ترزقنا بوظيفة عامل بارامكو

عاشق النخيل

منين نجيب خبرة واحنا ما توظفنا ...... طيب بدل خبرة خبرة خبرة وظفو العاطلين وظائف موقتة الي يصلح منهم يكمل و الي مايصلح اذا انتهى العقد مع الباب .. ويكون بهالحالة عنده خبرة لو مايصلح ..... معندكم احد يفكر مثلي ههههههه .... ليت اقتراحي يصل الي لهم الشان عالي ...

عاطل والحظ يماطل

ايييييه الله يعين بس .. حسافة سهر الليل والمذاكرة وهم الاختبارات والسرعات الجنونية ايام الجامعه نخاف يفوتنا اختبار ضحينا بحياتنا والله كنت بصدم عامود كهربا بسبب اختبار بقى عليه 5 دقايق اسوق كني مجنون كله ابي عشان اتوظف بعدين والدكاترة معقدين لايقبلون عذر .. وحسافة الغربة اللي عشناها عشان الدراسة وحسافة الفلوس اللي دفعناها للتكاسي رايحين جايين وحسافة السلف اللي تسلفناه من كل واحد عشان نشتري كتب نراجع منها وحسافة الايام اللي قضيناها بمقاهي النت نسوي بحوث وحسافة وحسافة وحسافة.. واخرتها اخذنا الشهادة الجامعية وتقدر جيد ومتعلمين لكن ماتوقعنا اننا بنكون عاطلين عن العمل ونعيش على نظام رأيت الوظائف خبط عشواء من تصب ( معه واسطه ) ومن تخطأ يُدمّر ويندم ِ ياناس الحين راحت سنة وانا شهادتي بكلوريوس لغة انجليزية والمدارس مليانه اجانب والشركات اجانب ومعهم نفس شهادتي !! اه بس الله يعين اللي معه لغة عربية وغيرها وصار لهم سنين وهم عاطلين

مراقب صحي عاطل

اللغه عندنا لغه والحاسب عندنا خبره بس شهايد مافيه الممارسه ابرك من الدراسه وبعدين معدل مافيه وتقولون خبره من وين نجيب لكم i hate my life because i don't have a job tell me how to i get any job

moooaasiri

طيب مافي دراسه على حسابكم ولو بمكافئة يعني لازم التعقيد مافي حراس امن

سفير العطاله

قولو الله يكون في عوننا ويستاهلو أخوننا حاملين البكلوريس لاكن ياحباني ترون كل هذه الشروط والخبره للتعقيد أما على الواقع تجدون العمل في نفس الوظيفه يقومبه أي شاب مثلنا ولايزيد عنا شيئ أرزاق يخواني في ناس أعرفهم تخرجوا معاي من الثانويه كانو من أبلد الطلاب الكتب في درج الماسه ويداوم بسجاده فيها كتابين ولادفتر ولاحاجه ونوووووووم في آخر الفصل وتوظفو في بعد التخرج مباشررره وسطات ومن هنا ومن هنا وأنانسبتي 85 علمي ولي 4سنوات من شركه في شركه وما قدأشتغلت غير حراسات أمنيه

الله كريم

ان شاء الله يقبلونك سلطان بس عجب العجاب! مسميات الوظايف كلها كبير كبير!!!! والكبير الدايم الله سبحانه يرزقنا ويرزقكم.

عاطل خبره

انا نفسي اعرف الشركه كلها مافيها غير الوظايف هذي للي موظفين في شركات ثانيه وعندهم خبره وبيحسنون مستواهم الوظيفي .. طيب العاطلين مالهم مكان في الشركه وين الوظايف الثانيه ولا للحبايب بس ؟

الولهااان

كيفكم حبايبي والله انا اختبرت في ارمكو انقلش ورياضيات والله كااان الاختباااار يهوه بلمره صعب وخاااصتآآ الرياااضياااات يربي على صعبتها ...... ونقووول التوفيق من عند الله سبحااانه وشكرآآ لكم

ارحمو من في الارض يرحمكم من في السماء

لازم شروطهم هذي الي تعجز الواحد - معدل ولغه وخبره والله على هذا الحال ولا عمرنا رح نتوظف مع انه والله احيان الي معدله طايح ينجزو في عملهم اكثر من الي معدلاتهم عاليه يارب انزل علينا رحمتك الواسعه لا اله الا انت سبحانك اني كنت من الظالمين برحمتك استغيث

انشالله اتوظف مدير كبير ولا فراش

حلوه الوظيفه هذي جداا لاكن كيف يقبلونا لازم واسطه يالربع حد خابرلنا واسطه بحقها

رفلينو

شرط ذا اسبوع اغلب الشركات بينزلون وظائف يارب تزيد وتبارك .

برجس

أرامكو احبكم حب من قلبي مخلص لكم صادق النيه ولي عليكم وله زايد وشوق واجد وحنيه .................. وظفوني طلعوني من هالعطاله يالله .

عاطل محترف

شركة ارامكو الموقرة جيتي والله جابش نحن مجموعة من العاطلين نتمنى من حظرتكم فضلا لا أمراً ان تنزلون كمية كبيرة من الوظائف الادارية والكتابية والسكرتية بجميع المناطق والله يحفظكم ويرعاكم ويسدد على الخير خطاكم .... لاعب عاطل .

الكبير هو الله

سلامات أرامكو منزلة وظائف ما أصدق صاير شي في الدنيا .. دخلت من فترة على موقع ارامكو اكثر الوظائف كبير مشرفين كبير اخصائيين ماأدري منين يجيبون هالأسامي وكان لها شهادة اين موقعها ... نبي وظائف ادارية ياأرامكو كانهم يبون يوظفون وترى كل الشركات تقلد ارامكو في كل حاجة حتى الأجنبة بدل السعودة .. مع تحيات التنديل العاطل ولد احمد الشرقية

محمد المسكين

اما لغة حنا نبيكم تعلموناء اللغة

عاطل

يعني مافيه امل تشتغل لازم خبره

عاطل والعقل فاصل

قال خبره قال يعني الخريج الجديد راحت عليه والله لو ادري ان هذا كله بيصير مادرست ولا تعلمت بس مانقول الا الله كريم

سلطان الحربي

ارسلت لهم السيره الذاتيه وان شاء الله يقبلوني تحياتي....